Këngëtarja Beatrix Ramosaj vijon të jetë në qendër të vëmendjes që pas daljes së saj nga shtëpia e BBV. Jo vetëm kaq por ajo ka publikuar edhe disa këngë, që janë pëlqyer dhe kanë marrë shumë klikime në Youtube.
Mirëpo, nga ana tjetër, edhe Andi Artani vijon të përflitet goxha. Së fundmi, gjatë një intervistë për rubrikën “Kë zgjedh” të programit “Mirage”, ai bëri një koment për këngëtaren dhe tha: “Një farë simpatie e kam për të”.
Së fundmi, Andi ka publikuar një foto dhe menjëherë ka tërhequr vëmendje komenti i Beatrix: “I Dukagjinit mo”.
“Kjo është e qartë,”-shkruan ish-konkurrenti i Për’Puthen. Jo vetëm kaq por ai i ka dërguar edhe një emoji me puthje Trixës.
Kujtojmë që Andi është përfolur shumë gjatë për raportin që pati me Jasmin Kadriun e më pas edhe me këngëtaren e njohur, Diona Fona.
Nga ana tjetër, kujtojmë që Beatrix bëri pak më herët dhe një koment për dyshen Bora-Donald.
Në një intervistë për “Ora Verore” Beatrix u pyet se çfarë mendonte për ribashkimet e fundit që kanë ndodhur në showbizin shqiptar. Trixa e pyet gazetaren se ribashkimet e kujt, që të ishte më e qartë dhe ajo i përgjigjet për ribashkimin e Borës dhe Donaldit.
Beatrix u përgjigj mjaft e qetë duke thënë se i vjen mirë për dyshen. Kjo nuk është hera e parë që Trixa përballet me situata të tilla.
