Pas shenjtërimit të Nënë Terezës, një tjetër shtatore e saj është inauguruar tashmë në Brooklyn të Shteteve të Bashkuara të Amerikës.
Në inaugurim mori pjesë edhe Presidenti i Shqipërisë, Bujar Nishani, senatori i Nju-Jorkut, si dhe bashkatdhetarë shqiptarë që jetojnë në SHBA.
Inaugurimi i shtatores është bërë në vazhdën e nderimeve që i bëhen Gonxhe Bojaxhiut përreth botës.
Humanistja shqiptare u shenjtërua më 4 shtator në Vatikan nga Papa Françesku. Shenjtërimi i saj u mbajt në 19-vjetorin e vdekjes.
