Çifti i njohohur i showbizit, Olsi Bylyku dhe Egli Tako ishin të ftuarit e rradhës në emisionin “Më lër të flas”. Ata kanë folur më shumë për marrëdhënien e tyre dhe kanë treguar për fillimet e tyre.
Egli si fillim tregoi se ka qenë fanse e Olsit, me rolet e tij në “Portokalli”, e sidmos me rolin si “Kimikati”.
Olsi nga ana tjetër u shpreh se ka patur shumë interes për ta njohur Eglin por tha me shaka se i është dashur tetë muaj për ta bërë për vete.
“Mendojnë se ne që jemi të famshëm, na kthejnë përgjigje direkt gocat. Kam ndenjur tetë muaj. Çfarë ka kaluar ky shpirt”- u shpreh Olsi.
“Kemi qëndruar shtatë-tetë muaj njohje. Kemi dalë për rreth dy muaj por shumë rrallë, pastaj qëlloi sezon vere. Do të bënte një dorë jetë Olsi”- tregoi Egli nga ana tjetër.
Çifti i emocionuan të gjithë teksa performuan këngën e tyre hit me titull “Do ditë”.
Ata u pyeten nga Donaldi dhe Romeo dhe për planet e tyre për martesë. Olsi u shpreh në mënyrë mjaft pozitive për këtë temë duke thënë se dasma është definitivisht në planet e tyre. Ai tha se për momentin ata po fokusohen në materiale të tjera dhe se fakti që janë të rinj ju jep kohën e duhur.
Çifti u shprehën se kanë një lidhje mjaft të konsoliduar edhe pse në moshë të re, dhe se kanë plane mjaft emocionuese për të ardhmen.
