Futbollisti i njohur shqiptar Sokol Cikalleshi sapo na njoftoi se është bërë baba për herë të dytë. Bashkëshortja e tij, Kornelia, ka sjellë në jetë sot fëmijën e tyre të dytë, një djalë. Lajmin e ka bërë me dije vetë futbollisti përmes një postimi prekës në rrjetin social, Instagram.
Cikalleshi ka publikuar një foto nga momenti më special ku shfaqet duke mbajtur në duar të birin. Sokoli na ka zbuluar dhe emrin e të birit të cilin e kanë quajtur Lion, emër që në shqip përkthehet Luan.
View this post on Instagram
“Mirë se erdhe djali im Lion. Qofsh i shëndetshëm dhe i hajrit”, ka shkruar Cikalleshi në postim.
Cikalleshi është baba dhe i një vajze të cilën e kanë quajtur Rajna.
Kujtojmë se i ftuar në emisionin “Në Kurthin e Piter Pan” në Tv Klan, Sokol Cikalleshi u shpreh se pjesëmarrja në finalet e Kampionatit Europian dhe momenti kur erdhi vajza e tij në jetë, janë dy nga momentet më të lumtura të jetës së tij.
“Momentet e gëzuara kanë qenë shumë. Një nga ato ka qenë pjesëmarrja në Europian. Ndërsa nga jeta ime personale ka qenë patjetër ardhja e vajzës sime në jetë. Është një emocion që sado të përpiqesh ta shpjegosh me fjalë, nuk e shpjegon dot po nuk e përjetove”, ka thënë Sokoli.
