Shumë futbollistë kanë luajtur si aktorë, por shumicën e kohës vetëm si përfaqësues të reklamave të markave më në zë. Daljet e tyre zakonisht janë të shkurtra dhe përmbajnë vetëm disa fjali.
Për shkak të profilit të tij të lartë në media, Leo Messi është shfaqur në një sërë reklamash për kompani të ndryshme. Duke nisur nga reklamat e ndryshme të ushqimeve, te spotet e Pepsi-t, apo fushata e fundit e reklamave të patatinave Lay`s.
Megjithatë, futbollisti tani është përfshirë në një projekt që është shumë më i ndryshëm nga ata që jemi mësuar ta shohim. Ai tani ka një rol si aktor në një serial televiziv.
Messi do të bëjë një paraqitje të shkurtër në sezonin e dytë të dramës argjentinase ‘Los Protectores’, e cila po fiton shumë popullaritet në vendlindjen e tij.
Skena e tij tashmë është xhiruar dhe e ka përfunduar vetëm pak ditë më parë. Këtë e dimë pasi imazhet e futbollistit në xhirime janë shpërndarë nga vetë producenti.
Lajmi i keq është se nuk do të mund ta shohim skenën deri në vitin 2023. Sezoni i dytë i ‘Los Protectores’ u xhirua në një sërë vendesh, duke përfshirë Buenos Aires. Messi e ka regjistruar skenën e tij në shtëpinë e tij në Paris, të cilën e bleu që kur nënshkroi me PSG verën e kaluar.
Do të duhet të presim deri në vitin 2023 për të parë interpretimin e Leo Messit, kur do të publikohet pjesa e dytë e serialit argjentinas.
