Balerini i njohur, Ilir Shaqiri u kthye sërish në Shqipëri, ku u martua me Emanuelën në një ceremoni mjaft madhështore në Durrës.
Të pranishëm në dasmë ishin familjarë, miq por edhe personazhe mjaft të njohur të ekranit. Nga personazhet e BBV të ftuar ishin Arjola Demiri, Arbër Sulstarova, Sheila Haxhiraj, Valon Shehu, Ardit Cuni, Meridian Ramçaj.
Mirëpo, ajo që ra në sy direkt ishte mungesa e Sabianit.
Së fundmi, Iliri ka dhënë një intervistë në programin “Goca dhe Gra”, ku ka thënë se ai nuk e di se ku i ka mbetur hatri Sabianit.
“Jam i qetë. I uroj gjithë të mirat Sabit. Unë i them Sabit që jam sot gjithmonë këtu. Nuk di nëse i ka mbetur hatri Sabit. Mendoj se nuk ka vend për hatërmbetje”, tha Iliri.
Kujtojmë që marrëdhënia e Ilirit me Sabianin ishte mjaft e ngushtë brenda shtëpisë së “Big Brother VIP Albania”.
Madje, këngëtari e quante Ilirin si “100 mijë euroshin” e tij. Pavarësisht raportit të mirë brenda BBV, Sabiani mungoi në dasmën e Ilirit.
Ç’të ketë ndodhur vallë?
Thuhet se miqësia e tyre u kris kur Sabiani ishte i ftuar në “Më lër të flas”, i cili tha se miku i tij e ka përdorur.
