Ajo që supozohej të ishte një ditë normale shkolle për fëmijët e shkollës fillore në Teksas u shndërrua në një makth të vërtetë. Një person i armatosur hyri në shkollën fillore “Robb” në Uvalde dhe qëlloi disa njerëz, duke përfshirë studentë dhe mësues.
Fatkeqësisht, 19 fëmijë dhe 2 mësues u vranë. Guvernatori i Teksasit, Greg Abbott, konfirmoi përditësimin tronditës në një konferencë shtypi pas incidentit. Ai gjithashtu identifikoi autorin e armatosur si Salvador Ramos 18-vjeçar.
Tashmë detajet tronditëse po dalin në pah. Familjarët e një 11-vjeçareje, e mbijetuar nga sulmi kanë treguar historinë e saj. Vogëlushja teksa ka parë situatën në të cilën ndodhej ka bërë si e vdekur dhe ka mbuluar veten me gjakun e shoqes së saj të vdekur. Kështu ajo ka arritur të shpëtojë veten si dhe të krijojë mundësinë të marrë ambulancën në telefon.
Gjithashtu është bërë me dije se bashkëshorti i një prej mësueseve të vrara ka pësuar infark nga dhimbja e humbjes së gruas së tij.
Sipas Daily Mail, rrjetet sociale të Ramos ishin plot me foto të armëve. Madje thuhet se ai i ka dërguar mesazh një vajze në Instagram, duke e etiketuar në një foto të armëve.
Shumë figura të njohura po bëjnë thirrje për ndryshimin e ligjeve që lejojnë armëmbajtjen në SHBA dhe vendosjen e rregullave më strikte.
