Më shumë lajme tronditëse vijnë nga Teksasi. Ka ndërruar jetë edhe bashkëshorti i mësueses Irma Garcia, një prej viktimave të të shtënave në shkollë.
Sipas TMZ, bashkëshorti prej 24 vitesh i Garcias, Joe Garcia, fatkeqësisht vdiq nga një atak në zemër. Lajmin tragjik e ka bërë të ditur familja e tyre këtë të enjte. Gazetat lokale gjithashtu raportuan se Garcia pësoi një atak fatal në zemër dhe se të dy kishin 4 fëmijë së bashku.
Siç tregohej më parë, Irma Garcia ishte një nga dy mësueset e vrarë në të shtënat masive të së martës, më e keqja në historinë e SHBA. Së bashku me mësuesit, 19 fëmijë u vranë nga gjuajtësi Salvador Ramos i cili kishte një AR-15 të cilin e bleu legalisht në shtetin e Teksasit.
Irma Garcia dhe Eva Mireles sakrifikuan jetën e tyre në një përpjekje për të shpëtuar nxënësit nga të shtënat në shkollën Uvalde, Teksas. Zonja Garcia u gjet nga oficerët “duke përqafuar fëmijët në krahë deri në frymën e saj të fundit”, tha nipi i saj John Martinez për New York Times. “Ajo sakrifikoi veten duke mbrojtur fëmijët në klasën e saj.”
Sulmuesi i sëmurë u qëllua për vdekje nga policia pas një përplasjeje. Gjyshja e tij të cilën ai e qëlloi para se të kryente sulmin ndodhet gjendje kritike. Deri më tani, dy shtëpi funerale në Teksas kanë ofruar shërbime falas për familjet e viktimave.
