Ka përfunduar tashmë finalja e Conference League në stadiumin “AIR Albania”. Përballja mes Romës dhe Feyenoord ka rezultuar me fitoren e Romës 1-0.
Forca të shumta policore janë rreshtuar për të bërë të munduar ruajtjen e rendit. Ajo çfarë ka rënë në sy ka qenë dhe pjesmarrja e forcave të policisë së Kosovës të cilët kanë ardhur në ndihmë duke krijuar formacione mbrojtëse.
Vetëm pak minuta pas nisjes së ndeshjes tifozët e skuadrave përkatëse kanë nisur përleshjet fizike mes tyre. Rapotohet se 2 tifozë italianë janë ndeshur me 4 tifozë holandezë. Tensione ka patur dhe mes lojtarëve të cilët kanë patur një moment mjaft intensiv teksa 2 lojtarë patën një përleshje gati fizike.
Lojtarët e tjerë ndërhynë për të qetësuar situatën.
Situata mbeti e tille dhe pas golit të parë dhe të vetëm të ndeshjes të shënuar nga skuadra e Romës.
Ky organizim ishte i nevojshëm në fakt, sidomos pas situatave që u krijuan që nga mbrëmja e djeshme.
Si fillim mbrëmë ndodhi një incident në qendër të Tiranës ku disa tifozë holandezë dhe italianë kanë rrahur një qytetar shqiptar. Ky I fundit ka përfunduar në spital për shkak të plagëve të shumta.
Në të gjithë kryeqytetin ka patur përplasje të forta mes policisë dhe tofizëve holandezë dhe u raportuan biznese të shkatërruara, efektivë të lënduar, si dhe tifozë të arrestuar.
