Engjëlli i Victoria’s Secret, Adriana Lima i ka çuditur fansat e saj në “Instagram”, pasi postoi një foto nudo. Bukuroshja nga Brazili, u shpreh se nuk para publikon foto të tilla, megjithatë ndoshta ky rast ka qenë i veçantë për të.
Kohët e fundit ka pasur zëra për një romancë mes supermodeles 35-vjeçare dhe prezantuesit televiziv Ryan Seacrest. Ata madje u fotografuan teksa kishin dalë për një darkë intime të hënën. Çifti ishin kombinuar në veshje blu, ndërsa ecnin krah njëri-tjetrit.
Ryan i cili shoqëronte bukuroshen braziliane në Rio për Lojrat Olimpike muajin e kaluar, ka një histori të gjatë lidhjesh me femra të bukura.
Ai ishte në një lidhje trevjeçare me yllin e “Dancing With The Stars”, Julianne Hough ka qenë gjithashtu i lidhur me këngëtaren meksikane Paulina Rubio, modelen e Sports Illustrated Dominique Piek dhe trajneren personale Shayna Taylor.
Ndërsa, Adriana finalizoi divorcin e saj nga ylli serb i NBA, Marko Jaric në mars të këtij viti. Ajo ka dy vajza me të.
*Shfleto galerinë
