Festivali “Sunny Hill” sërish do të ketë një vëmendje të madhe këtë verë. Shumë yje me famë botërore do të thirren që të performojnë në skenën gjigante.
Por kush janë deri më tani disa prej artistëve të mëdhenj që do të performojnë?
Deri më tani, është bërë e ditur se Skepta dhe AJ Tracey do të ngjiten në skenën e “Sunny Hill”.
Por së fundmi një tjetër emër është bërë publik.
E gjeni dot se kush është?
Bëhet fjalë pikërisht për Dj e njohur Diplo, emri i vërtetë i të cilit është Thomas Wesley Pentz.
Diplo njihet për karrierën e bujshme si DJ, producent dhe tekstshkrues në Los Angeles.
Faqja zyrtare e “Sunny Hill” ka publikuar së fundmi një njoftim.
“Sunny Hill Festival do të jetë elektrik. Legjenda e zhanrit elektronik dhe dance Diplo. Si një artist i nominuar dhjetë herë për Grammy, Diplo është themelues i muzikës elektronik dance”, thuhet në njoftim.
Diplo ka një famë ndërkombëtare. Ai njihet për hite të padiskutueshme si për shembull një nga këngët që ka arritur shumë klikime është bashkëpunimi me Silk City, Dua Lipën dhe Mark Ronson.
Kënga titullohet Electricity dhe jemi të bindur që të gjithë e dini.
Kënga ka arritur të mbledhë mbi 160 milionë klikime në Youtube.
