Modelja e njohur shqiptare Dorina Gegiçi ka dalë më në fund hapur duke pranuar publikisht se është në një lidhje. Dorina dhe menaxheri i njohur Denis Avdiu e kanë pranuar lidhjen e tyre duke treguar se janë bashkë.
Aludimet e shumta për një lidhje dashurie të mundshme mes çiftit kanë nisur që prej vitit të kaluar, por dy të rinjtë i mohuan këto aludime. Dyshja ja ka dalë të qëndrojë për një kohë të gjatë larg syrit kurioz të medias dhe publikut.
Shtysa e vetme që është dashur në mënyrë që gjithçka të bëhej publike ka qenë pikërisht ditëlindja e modeles, e cila ka bërë dyshen të pranojë lidhjen e tyre duke publikuar foton e parë së bashku.
Denis Avdiu fatlumi i lidhur me modelen më në zë të momentit, është menaxher i këngëtarit të famshëm Butrint Imeri, por njëherësh edhe themelues i kompanisë muzikore dixhitale AVD Digital. Avdiu ka publikuar në rrjetin e tij social një fotografi i shoqëruar nga partnerja e tij modele. Denisi e ka uruar atë më fjalët më të ëmbla dhe njëkohësisht ka pranuar se janë çifti më i ri i showbizzit shqiptar.
View this post on Instagram
“Urime ditëlindjen”, ka shkruar ai krahas fotos me modelen, urim ky i shoqëruar me një emoji zemër.
Nuk ka munguar as reagimi i modeles e cila e ka ripostuar fotografinë në profilin e saj, ku ka shkruar: “Të dua”.
