Për të dytin vit, në fshatin Dunicë të Mokrës, u organizua festa e “Malit të Kozicit”. Festa ka marrë këtë emër, pasi Kozici, është pika më e lartë në Mokër.
Një festë e cila ka për synim mbrojtjen e traditës mokrare, e cila duhet thënë se vitet e fundit është zbehur dhe kthimin e vëmendjes në këto fshatra të lënë në harresë.
Në festë morën pjesë banorë të shumtë të zonës apo të ardhur edhe nga rrethinat. Nuk i munguan festes as turistët e huaj, të cilët shprehën edhe mendimet e tyre.
Ata thanë se festa kishte standarte të larta, por nuk ishin ndijerë aspak komodë me rrugën që të çon për në Dunicë
Pjesëmarrësit u argëtuan për rreth 3 orë, nën tingujt e muzikës popullore, polifonisë dhe numrave te shpejtësisë.
Festa, ishte edhe mbështetje për talentet e reja të këtij fshati. Pikerisht Viki Muçollari, performoi një pjesë muzikore ne flaut.
Në këtë festë të mirëorganizuar, ushqimet tradicionale, ishin pjese e saj. Nuk munguan kulaçi dhe lakrori i pjekur në saç.
Organizatorët e festes ishin dy djem nga fshati Dunicë. Hajrush Çollaku dhe Armand Agolli, me mall per vendlindjen tregojnë se kjo festë tashmë do të kthehet në traditë.
Çdo vit do të zgjidhet një fshat tjetër për t’u organizuar festimi i rradhës.
Tashmë kjo festë është kurorëzim i kulturës Mokrare dhe jetës së përditshme të vetë banorvë aty.
