Hillary Clinton përjashton mundësinë e nënshtrimit të një testi neurologjik, pasi u pyet nga një gazetare për shkak të riskut të prekjes nga sëmundja Alzheimer.
“Nuk është e nevojshme” tha Clinton, kur ajo u pyet nga gazetarja Sarina Fazan, e ABC në Florida.
Clinton në fillim bëri shaka kur u pyet nëse do t’u nënshtrohej “disa testeve neurologjike”, për shkak të moshës.
“Më vjen shumë keq që u sëmura me pneumoni”, ia ktheu Clinton me të qeshur. “Jam shumë mirënjohëse që antibiotikët u kujdesën për të. Dhe kjo është e shkruar tani. Kam plotësuar standardet që duhet të ketë çdo kush që kandidon për president përfshirë informacione në lidhje me shëndetin tim”.
Ndërsa dy ditë para intervistës, të hënën, gjatë një fushate në Filadelfia, u vu re se sytë e saj lëviznin në drejtime të ndryshme, sipas videos të publikuar nga “The American Mirror”. Ajo dukej se lexonte në ekranet e vendosura nga ana tjetër e podiumit, por diçka nuk shkonte me shikimin e saj.
Burimi: Daily Mail
