Ndërsa pamë fejesën madhështore të vajzës së politikanit dhe sipërmarrësit, Koço Kokëdhima, identiteti i partnerit të saj ende nuk ishte zbuluar. Por stilistja Bora Kokëdhima prezantoi për herë të parë të fejuarin e saj, me të cilin shkëmbyen unazat vetëm një javë më parë.
Ceremonia private u zhvillua në Qeparo, kur nga fotot e publikuara nga Bora u dallua ajo në një përqafim të ngrohtë me të atin. Në një foto gjatë fejesës të zbuluar live në emision, shfaqet Bora në krah të Olsit, djalit që siç thotë ajo, është aq i qetë sa motrat e saj e thërrasin “paqe që ecën”.
“Ai quhet Olsi dhe është ekonomist, punon në sektorin shtetëror, është shumë i qetë, nuk preferon të jetë personazh publik dhe mund të them që ai është njeri që më bën të ndihem shumë e qetë”, tha stilistja për Rudina Magjistarin.
“Jemi shumë ndryshe”, u shpreh Bora: “Ai është i qetë, i matur, ndërsa unë jam shumë impulsive. Me karakterin që ka më neutralizon shumë, sepse jeta publike, e lidhur me mediat ka shumë emocione, paqëndrueshmëri”.
Vajza e Koço Kokëdhima tregoi se babai i saj është shumë i lumtur për këtë marrëdhënie, ndihet mirë që Olsi vjen nga një familje e qetë, ku pjesëtarët shkojnë mirë me njëri-tjetrin, dhe e respekton shumë personalisht.
“Ndonjëherë më duket sikur babai e do Olsin më shumë se unë”, tha Bora duke qeshur.
*Shfleto galerinë
