Ologarku Samir Mane është i lirë dhe i favorizuar nga qeveria jonë të abuzojë me çmimet e çdo produkti në resortin e tij në jug, në “Nazar Beach”.
Teksa po zgjeron “rrënjët” e tij në çdo cep të Shqipërisë, Mane “tallet” me qytetarët duke vendosur çmime skandaloze edhe për një shishe ujë, një kafe dhe një omletë.
Ish zv/kryeministri Erion Braçe ka denoncuar faturën e lartë në barin e “Nazar Beach”. Çmimi i një kafeje është 300 lekë të reja, një shishe ujë 600 lekë të reja dhe një omletë 1100 lekë të reja! Një abuzim i hapur!
Braçe ka treguar me foto faturën, teksa shkruan se një kafe në këtë resort të jugut kushton më shtrenjtë sesa në Milano.
Postimi i plotë i Erion Braçes:
“Filloi! Në Palasë! Fatura- 1 maj:
Një kafe =300 lekë (3000 lekë te vjetra)
Një ujë =600 lekë (6000 lekë te vjetra)
Një Omletë=1100 lekë (11000 lekë te vjetra)
Pra në Palasë, po po tek ai, i njëjti, fiks aty ku e paguan këtë kafen më shtrenjtë se në DUOMO/MILANO se të duket si status social të lësh leshtë aty! Po patjeter që është zgjedhje, po deshe, të thonë. Ky është standardi që shumë politikanë e legjitimojnë!
Nazar Beach është një resort në Palasë, në pronësi të Samir Manes, njërit prej biznesmenëve më të pasur në vend dhe njërit prej njerëzve më të afët të çdo kryeministri. Kjo nuk është hera e parë që një ankesë për çmimet e larta vjen në llogarinë e Nazar Beach.”
Edhe në kohën kur vendi ishte i karantinuar si pasojë e Covid-19, “Nazar coast” përsëri kishte ‘luksin’ të ushtronte normalisht aktivitetin e tij. Dy vite më parë, ndërkohë që kryeministri Rama njoftonte për fundjavat “lock down”, kjo nuk vlente për bizneset e Manes.
“Green Coast Resort”, që ka edhe barin “Nazar beach”, që është në pronësi të biznesmenit Samir Mane, ka ofruar të gjitha shërbimet që mund të ofrojë një kompleks buzë detit.
Me shezlonge të hapura, bare e restorante në dispozicion, e gjithë paria e Shqipërisë mblidhej në fundjavë për të shfryrë të gjithë ‘dufin’ që u kishte mbledhur izolimi.
