Harry dhe Meghan u zotuan sot se do të jenë në Britani me fëmijët e tyre për “Queen’s Platinum Jubilee” muajin e ardhshëm. Njoftimi bombë u publikua vetëm pak minuta pasi Madhëria e saj i dëboi ata dhe Princin Andrew nga ballkoni i “Buckingham Palace”.
Sussex-ët sfidues më në fund kanë zbuluar se do të fluturojnë nga Kalifornia me Archie-n dhe Lilibet-ën 11 muajshe për të marrë pjesë në festimet që shënojnë 70 vjetorin e jashtëzakonshëm të monarkes në fron. Festime këto që do të fillojnë më 2 qershor.
Një zëdhënës i Dukës dhe Dukeshës së Sussex-it, tha: “Princi Harry dhe Meghan, Duka dhe Dukesha e Sussex janë të emocionuar dhe të nderuar që marrin pjesë në festimet e “The Queen’s Platinum Jubilee” me fëmijët e tyre”.
Ata folën disa çaste pasi Madhëria e saj i përbuzi ata dhe djalin e tyre, duke mos i ftuar në ballkon për “Trooping the Color” – fillimi spektakolar i fundjavës së saj të gjatë “Platinum Jubilee”.
Veprimi vendimtar i monarkes 96-vjeçare për të përfshirë vetëm anëtarët mbretërorë që kryejnë detyra publike zyrtare, si babai dhe vëllai i Harry-t, për paradën e “Buckingham Palace” u mor “pas shqyrtimit të kujdesshëm” të saj – megjithatë ka përjashtime për disa nga shokët e Harry-t, nipërit e mbesat dhe disa nga stërnipërit e Mbretëreshës duke përfshirë George, Charlotte dhe Louis.
“Mbretëresha ka vendosur që shfaqja tradicionale e këtij viti “Trooping the Color”, të enjten më 2 qershor do të kufizohet në Madhërinë e Saj dhe ata anëtarë të familjes mbretërore që aktualisht janë duke kryer detyra publike zyrtare në emër të Mbretëreshës”, tha një zëdhënës i pallatit.
Por kuptohet që Sussex-ët kanë qenë të ftuar në ngjarje të tjera jubilare që ka të ngjarë të përfshijnë shërbimin e falënderimit në Katedralen e Shën Palit të premten më 3 qershor. Andrew gjithashtu pritet të jetë atje.
Ndalimi simbolik i “Trooping the Color” do të shihet gjerësisht si një refuzim i Harry-t dhe Meghan-it, të cilët u larguan nga monarkia për një jetë të re në SHBA dy vjet më parë.
