Përkujtojmë një prej ngjarjeve më të bujshme të vendit tonë një vit më parë; zjarrit në qendrën tregtare të Tiranës ku Arjan Sala shpëtoi 20 persona dhe humbi vetë jetën.
Duke qenë se qeveria vendosi t’u japë ndihma financiare fëmijëve të heronjve, vëmendja u kthye në familjen e Arjan Salës dhe djalit të tij të vogël, që mbeti pa baba. Ai do të ketë një ndihmë për 20 vite.
Vëllai i Arjan Salës ishte i ftuar sot në një lidhje live me emisionin “Shqipëria live”, ku ka treguar ndër të tjera si ia kanë shpjeguar fëmijës humbjen e të atit.
“Ne ia kemi shpjeguar që babi është tek qielli. Ai e ka kuptuar pak a shumë por thjeshtë nuk e shpreh ndjesinë që ka përbrenda”, tha Edmond Sala.
Arjan Sala, 32 vjeç, prej vitesh punonjës security, ishte babai i një fëmije të mitur. Ai jetonte me bashkëshorten, djalin, nënën dhe të atin. Familjes i ka siguruar të ardhura që në moshën 18 vjeç, kur nisi edhe punën e parë.
Ai u fut mes zjarrit në magazinën e “Casa Italias” për t’ju shpëtuar jetën 20 punonjësve të tjerë, ndërsa u nxorr i pajetë mes flakëve.
Në mars të vitit 2021, Arjan Sala u shpall Dëshmor i Atdheut.
