Që nga momenti kur fituan Sanremon, Mahmood dhe Blanco kanë qenë favoritë të fortë për të marrë trofeun e “Eurovision 2022”. Por tani për tani, Mahmood do të fluturojë i vetëm teksa do të marrë drejtimin në skenë sepse Blanco nuk do të marrë pjesë në provat e para zyrtare të Italisë.
Gazeta italiane e lajmeve “La Stampa” raportoi se Blanco do të humbasë provën e tij të parë në Torino ndërsa përfundon turneun e tij diku tjetër në Itali.
Mahmood dhe Blanco ishin vendosur të bënin provat “Brividi” në skenë për herë të parë të enjten më 5 maj, përpara shfaqjeve live të Eurovizionit javën e ardhshme.
Ndërsa Blanco është ende në turne, Mahmood u ngjit në skenë pa partnerin e tij këngëtar por i shoqëruar nga një performues “stand-in”.
Kjo mungesë e këngëtarit në prova duket se ka mërzitur shumë fansa të cilët kanë komentuar se Blanco nuk po e merr seriozisht Eurovizionin.
Mahmood dhe Blanco do të ribashkohen në kohë për provën e tyre të dytë të shtunën më 7 maj, ku do të performojnë sërish së bashku “Brividi”.
Kujtojmë se kjo eksperiencë nuk është e para për Mahmood pasi ai ka përfaqësuar Italinë në vitin 2019 duke arritur fare pranë fitores në vendin e dytë.
