Aktori i njohur Turk, Furkan Andıç ka thyer meniskun e këmbës së djathtë si pasojë e një aksidenti në xhirimet e serialit “Kara Tahta” me Miray Daner dhe Cengiz Bozkurt. Pas ndërhyrjes së parë në Edirne, ku zhvilloheshin xhirimet, Andiç u dërgua në Stamboll dhe iu nënshtrua një operacioni.
Aktori ka pësuar thyerje në ligamentet e përparme të këmbës së djathtë si pasojë e një lëvizjeje të papritur teksa po përgatitej për xhirimet në skenë.
Aktori është dërguar në spital pas ndërhyrjes të ekipeve mjekësore.
Andiç, i cili po trajtohet në një spital privat në Stamboll, është operuar dhe ky operacion ka dalë me sukses. Producentja e serialit Süreyya Yaşar Önal dhe regjisori Ender Mihlar kanë vizituar Furkanin, i cili kaloi një operacion që zgjati rreth 3 orë.
Producentja Önal ka përdorur këto fjalë në foton që ka publikuar në llogarinë e saj në Instagram;
“Lëndimi i aktorit tonë Furkan Andiç, na pikëlloi ne dhe të gjithë fansat e tij… Shpresoj që ai të shërohet sa më shpejt dhe të kthehet tek ne dhe në setin e tij. Shërohu shpejt Furkan”.
Mësohet se Andiç është në gjendje të mirë shëndetësore dhe pas operacionit ka dalë nga spitali dhe po pushon në shtëpi.
