Pas daljes nga shtëpia e “Big Brother Vip” Beatrix Ramosaj ka qënë vazhdimisht në vëmendjen e publikut dhe madje është gjykuar tepër ashpër për veprimet e saj. Mesa duket këto komente e kanë mërzitur mjaft këngëtaren dhe ajo publikoi para pak ditësh një video ne Instagram, duke adresuar bullizmin që i është bërë kohët e fundit nga njerëzit në internet. Në video ajo u shpreh se tre muajt e fundit është abuzuar shumë me emrin e saj dhe nuk ka dashur asnjëherë që ajo dhe personat që e mbështesin të bullizohen. Këngëtarja këtë video e ka bërë edhe si një mesazh për vajzat e gratë, ku shprehet se nuk duhet ta pranojnë dhunën përshirë edhe atë “online”.
Por mesa duhet ky mesazh nuk paska arritur tek të gjithë dhe ka qënë vetë Beatrixa që ka publikuar në story mesazhet kërcënuese që vazhdon të marrë nga një person me emrin Alexa.
“Përshëndetje Behigje Ramosaj. Stop së dërguari sms privat me adresat fallso. Për aq kohë sa mbajnë emrin tënd dhe foto tënden, duke ofenduar, do ndjek çështje gjyqësore ndaj jush për ofendime. Duke qënë se janë ‘fansat’ tuaj, bën mirë t’i ndalosh. Jemi në një shtet ku shkelja e privatësisë dënohet. Është thirrja e parë dhe e fundit që ju bëj. Stop.”- është shprehur personi në fjalë.
Në përgjigjen e postuar Beatrix shprehet se:
“Zgjohem pothuajse çdo mëngjes me mesazhe të tilla nga zonja e nderuar Alexa. Dua t’i them që shpresoj një ditë Zoti t’ja pastrojë zemrën edhe mllefin që ka, sepse duke e shfryrë tek unë nuk e ndihmon aspak dhe nuk përcjell një mesazh të mirë tek familja juaj. E nëse dikush do ndjeki çështje gjyqësore ndaj dikujt, jam unë ndaj teje e dashur”.
Mbetet e paqartë akoma arsyeja e personit në fjalë që e shtyn të dërgoje mesazhe të tilla në drejtim të një personazhi publik.
