Lajme të reja vijnë për të gjithë fansat e “Marvel” pasi “Doctor Strange in the Multiverse of Madness” del në kinema këtë javë dhe më në fund kemi reagimet e para pas premierës së tij botërore mbrëmë në Hollywood. Të ftuarit fatlumë në premierë ishin ndër të parët në botë që e panë filmin dhe nuk kanë humbur kohë për të ndarë mendimet e tyre në rrjetet sociale.
I përshkruar si filmi i parë horror i “Marvel Universe”, vazhdimi i “Doctor Strange” vjen pas ngjarjeve të “Spider-Man: No Way Home”, ndërsa Strange (Benedict Cumberbatch) përgatitet për më shumë rrëmujë në shumë universe.
Këtë herë, atij do t’i bashkohet Wanda Maximoff (Elizabeth Olsen) dhe America Chavez (Xochitl Gomez) ndërsa udhëtojnë nëpër “multivers” për t’u përballur me një kërcënim të ri misterioz dhe të rrezikshëm.
Përpara publikimit të tij, Cumberbatch ka thënë se filmi mund të krahasohet me suksesin e “Spiderman: No Way Home” pasi është po aq epik.
“Është një film i madh, i madh. Do të jetë një trazirë absolute,” ngacmoi ai. “Dhe nëse e ul nivelin e ambicjes që ka, ne do të kemi një sukses në nivelin e “Spiderman”.
Burime të industrisë thanë se shitja për biletat për filmin po shkon drejt një hapjeje prej të paktën 150 milionë dollarësh. Është raportuar se filmi ka para-shitjet më të larta të vitit 2022 dhe po kalon shitjet për filmat e tjerë shumë të suksesshëm të “Marvel”. Filmi do të shfaqet në kinema në datën 5 maj.
