Në emisionin e sotëm “Më lër të flas” të binjakëve Veshaj ishte i ftuar dhe moderatori Ledion Liço.
Gjatë bisedës Donaldi i ka drejtuar moderatorit pyetjen: “Kush mendoni se është moderatori dhe moderatorja më e mirë në Top Chanel?”
“Si moderator Isli Islami mendoj se është shumë i zoti, këto kohë që më është dashur të dëgjoj shumë radio, kam një vlerësim të madh per Islin. Ka batuta vërtët organike.”
“Moderatore, si moderatore do të zgjidhja Bora Zemanin, mendoj se me punën e bërë kohën e fundit ka dalë më në dritë”, tha Ledioni
Ledioni ka thënë dhe se priste që pasi Bora vendosi të linte “Për’puthen” mendonte se do të ishte pjesë e emisionit të vëllezërve Veshaj.
Më pas i ka drejtuar Donaldit pyetjen: “Edhe publiku do ishte dakord nëse ti do e ftoje Borën, do ishe dhe ti dakord?”.
Por si duket Donaldi nuk donte të jepte një përgjigje dhe e mbylli bisedën duke i drejtuar Ledionit një pyetje tjetër.
Ledioni u pyet nga Donaldi dhe për këshillën që do ju jepte fëmijëve të tij kur ta shohin intervistën pas x vitesh.
Do doja që të jenë modest, të duan dhe të respektojnë çdo njeri dhe më e rëndësishmja të thonë më fal. Të falësh është gjëja më e bukur në botë.
Kujtojmë se Donaldi ka qenë në qendër të vëmendjes me romancat dhe takimet e tij në “Big Brother Vip”, fillimisht me takimin me moderatoren Bora Zemani dhe më pas me këngëtaren Beatrix Ramosaj.
Gjatë emisionit të sotëm u organizua një lojë së bashku me të ftuarën e tyre, ku Donaldit iu drejtua një pyetje, të cilës vendosi t’i përgjigjej.
“Kush puth më mirë, një këngëtare apo një moderatore?”– ishte pyetja që iu drejtua atij nga Romeo.
“Unë mendoj një këngëtare që më pas bëhet moderatore.”– tha Donaldi, ndërsa publiku bërtiste “moderatore.”
