Ndodh jo shpesh që filmat të kalojnë cdo pritshmëri si të fansave por dhe të stafit krijues dhe fenomeni “365 Days” ishte një ndër to. Thrilleri erotik menjëherë sapo u publikua theu rekordet e shikueshmërisë ne platformën “Netfix” dhe u pëlqye tepër nga publiku. Duke marre parasysh këtë sukses producentet vendosën të sillnin pjesën tjetër të filmit “365 Days: This Day” dhe pritjes tashmë i erdhi fundi pasi filmi do publikohet pikërisht nesër në datën 27 prill.
Filmi mbështetet në romanin e autores Blanka Lipinska me të njëjtin titull dhe na sjell vazhdimin e historisë së çiftit Massimo(Michele Morrone) dhe Laurës(Anna-Maria Sieklucka).
Tashmë çifti është martuar por vështirësi të reja do të shfaqen në horizont kur problemet familjare të Massimos do dalin në dritë dhe një burrë misterioz do shfaqet në jetën e Laures. Ky burrë është i vendosur të fitojë dashurinë dhe besimin e saj.
A do tërhiqet Laura nga dashuria e saj për një jetë të qetë larg botës së rrezikshme të krimit…?
Kujtojmë se filmi nuk u prit aspak mirë nga kritikët duke dhënë vlerësime nga më të ulëtat ndonjëherë por ishte publiku ai që garantoi suksesin absolut.
Të shohim nëse do jetë situatë e njëjtë edhe për filmin e dytë.
