Vanda Semyonovna Obiedkova, e cila i mbijetoi pushtimit nazist të qytetit port në vitin 1941, kaloi javë të tëra në bodrum pa ujë dhe ngrohje.
Një e mbijetuar e Holokaustit vdiq teksa po strehohej nga sulmet ruse në portin Ukrainas të rrethuar të Mariupolit.
91-vjeçarja, Vanda Semyonovna Obiedkova, u gjend e shtrirë në shtrat dhe vdiq më 4 prill pasi kaloi javë të tëra në një bodrum pa ujë dhe ngrohje, tha vajza e saj Larissa.
“Mamaja nuk e meritonte një vdekje të tillë,” tha ajo.
“Nuk kishte ujë, energji elektrike, ngrohje dhe ishte një ftohtë i padurueshëm,” shtoi Larissa, e cila ishte në bodrum e fshehur bashkë me nënën e saj.
“Nuk mund të bënim asgjë për të. Ne jetonim si kafshë.”
Larisa tha se në ditët e saj të fundit, nëna e saj po e krahasonte konfliktin me pushtimin nazist të qytetit në vitin 1941.
“Sa herë që binte një bombë, e gjithë ndërtesa dridhej. Nëna ime vazhdonte të thoshte se nuk mbante mend diçka të tillë gjatë Luftës së Madhe Patriotike [Luftës së Dytë Botërore]”, tha ajo.
Larissa tregoi me pikëllimin më të madh se si e varrosi nënën e saj në një park lokal përpara se të arratisej me familjen e saj.
