Einxhel Shkira dhe Dj Dagz janë kthyer në një nga çiftet më të komentuar të ‘showbiz’-it shqiptar.
Së fundmi mungesa e ish-banorit në ditëlindjen e Monika Lubonjës ‘ndezi’ spekulimet se mund të ketë një krisje mes çiftit.
Por duket se mes tyre nuk ka pasur asnjë ndarje apo konflikt, por veçmas lidhjes po angazhohen edhe me karrierën e tyre.
Dj Dagz është rikthyer përsëri në Tiranë – krah të dashurës së tij Einxhel Shkirës – pasi ndodhej në Milano me DJ PM-in.
Moderatorja Roza Lati, ka postuar gjithashtu edhe një foto në “Instastory” të dyshes teksa shijojnë një darkë së bashku.
“Çifti i preferuar”, shkroi ajo krahas fotos, të cilën Einxhel e ripostoi në llogarinë e saj.
Më pas Einxheli ndau një tjetër video me ndjekësit ku shprehet:
“Kam takuar një çun që ‘O Zot i madh’ sa i bukur është, por… Nuk i durohet deri sa të dali”- thotë Einxhel gjatë videos duke zbuluar më tej se është nën shoqërinë e Dj Dagz.
Lidhja e dashurisë mes Einxhelit dhe DJ Dagz-it u krijua brenda shtëpisë së “Big Brother VIP Albania” dhe tani janë kthyer në një dyshe të pandarë.
Ata u pëlqyen shumë nga publiku dhe madje nuk kanë ndalur as së postuari foto ose video së bashku – duke na kënaqur edhe ne me dashurinë e tyre.
