Si një nga fytyrat më të famshme në biznes, Gigi Hadid e di se “t’i shërbesh imagjinatës së modës” është pjesë e punës së saj, por kjo nuk do të thotë se supermodelja ndihet e detyruar ta bëjë këtë në jetën e saj të përditshme. Duke folur për mënyrën sesi stili i saj personal ka ndryshuar me kalimin e viteve, veçanërisht pasi u bë nënë dhe doli nga pandemia globale, Hadid thotë se ka mësuar të jetë vetvetja kur bëhet fjalë për veshjet e saj.
“Me kalimin e viteve, unë jam prirur të vishem ashtu siç ndihem ditën dhe të mos jem aq e zhytur në stilin e momentit apo të bëj diçka me të cilën nuk ndihem rehat për një “pamje” të caktuar’, thotë ajo. “Sigurisht, është detyra ime të ofroj fantazi në xhirime dhe në tapetin e kuq, kështu që në jetën time reale, kontrolloj se si ndihem me veten dhe e bëj. Ndjej se tani e kam një ndjenjë lirie dhe besimi.”
Nëse paparacët qëndrojnë gjithmonë jashtë derës suaj të përparme, kuptohet që çdo pamje juaj është duke u fotografuar . Kjo padyshim që mund t’ju bëjë presion që të visheni në një mënyrë të caktuar. Por, Hadid thotë se ajo është mësuar të mos e marrë aq seriozisht.
“Shiko, ka ditë kur ndihem mirë dhe më pas ka ditë kur padyshim vesh vetëm pizhame, mund të më gjykoni për këtë, ose të kuptoni që jam një njeri si gjithë të tjerët. Ndonjëherë dal në rrugë vetëm për të marrë kafe dhe kjo nuk është një sfilatë modë – është mëse normale.”
“Të jesh në sy të publikut është si një kërcim – duhet të mësosh të mendosh më pak për opinionet e njerëzve të tjerë, sepse e di çfarë? Thjesht nuk është aq serioze. Nëse nuk e merrni shumë seriozisht dhe nuk ju intereson se çfarë mendojnë njerëzit e tjerë, moda mund të jetë një mjet i shkëlqyer për të shprehur veten.”
Ndërsa shumica prej nesh nuk duhet të shqetësohen për t’u fotografuar çdo ditë në rrugët e Nju Jorkut, ky presion sigurisht që ekziston ende në mediat sociale deri në një masë – dhe Hadid beson se është i justifikuar. Është koha që të shkëputemi nga kjo mendësi
“Në ditët e hershme, nuk kishit nevojë të bënit blerje gjatë gjithë kohës, sepse nuk ju duhej të bënit foto sa herë që dilnit. Tani, ka kaq shumë presion mbi të gjithë që ti veshin kombinimet vetëm një herë, e ti postojnë të gjitha në mediat sociale. Kapni foton tuaj dhe më pas hidheni gjithë veshjen. Natyrisht, kjo duhet ndryshuar sepse kjo është ajo që nuk shkon.”
“Jam me fat që mund të huazoj gjëra për tapetin e kuq, por nëse shikoni veshjet e mia personale, ajo përbëhet nga pjesë që mund të vishen në 100 mënyra të ndryshme, dhe do të shihni që i kam veshur në 100 mënyra të ndryshme . Ata që më ndjekin e dinë se shumë pallto, këmisha, pantallona dhe bluza do ti shohin vazhdimisht me kalimin e viteve. Unë nuk bëj shumë blerje në kohën time personale, por nëse marr diçka, e di se do ta vesh për një kohë të gjatë. E kam vlerësuar këtë ide përgjithmonë.”
Jo të gjithë duhet të ndjekin trendin – vini re se trendi i të gjithëve është për të gjithë.
