Einxhel Shkira ishte një ndër personazhet më të komentuar në “Big Brother VIP”. Krahas momenteve të këndshme, ajo ka kaluar dhe shumë sfida por ia doli që të shkonte deri në finale. Ndër më të vështirat ishte kur lëndoi krahun, dhe iu desh të linte shtëpinë për të bërë ndërhyrje tek Spitali Hygeia.
Kujtojmë se një nga momentet më emocionues të Einxhel në Big Brother Vip ka qenë ai kur për disa momente në mbrëmjen e Krishtlindjeve u shfaq si moderatore në studion e spektaklit për ta drejtuar atë.
Einxhel e superoi këtë moment mes shumë emocionesh por arriti të shkëlqejë si moderatore në këtë drejtim edhe pse dukej se ishte e papritur dhe u kap e papërgatitur.
Por duket që ky moment ka qenë ndër më të dashurit edhe për prindërit e Einxhel, të cilët këtë moment e kanë ruajtur përmes një fotoje edhe kornize në mur. “Ndërkohë prindërit e mi në shtëpi, foton e presidentit në mur”, ka shkruar Einxhel krah këtij kujtimi të veçantë, të cilin e sjell ndërmend edhe sot.
Pas daljes ajo ka folur shpesh edhe për ditët jashtë shtëpisë së Big Brother VIP, marrëdhënien me DJ Dagz dhe familjen e tij.
Einxhel dhe Dj Dagz janë një ndër çiftet më të pëlqyera të krijuara brenda shtëpisë së “Big Brother VIP”, marrëdhënia e të cilëve duket se po ecën mjaft mirë edhe pas përfundimit të formatit.
Ata kanë bërë dhe dalje të shumta televizive dhe intervista në krah të njëri-tjetrit, duke na treguar më shumë për mënyrën se si po shkon lidhja e tyre.
