Duket se sekreti i një jete të gjatë dhe të shëndetshme është zbuluar dhe përfshin një lloj diete shumë specifike, siç është dieta në “Zonat Blu”. Këto janë pesë rajone në botë ku njerëzit jetojnë, duke i kaluar 100 vjet me shëndet super të mirë.
Kjo dietë me pak yndyrë përfshin 95% të ushqimit me bazë bimore, me shumë karbohidrate, dhe përfshin drithëra, bishtajore, perime dhe fruta, duke kufizuar marrjen e mishit të kuq dhe duke e zëvendësuar ndonjëherë me peshk, në mënyrë të moderuar.
Zonat Blu nuk kufizohen vetëm në një lloj pjate, pasi prezantojnë një shumëllojshmëri kuzhinash, si japoneze, greke, italiane dhe Kostarikane, si dhe elementë specifikë duke përfshirë fasulet, arrat, drithërat, barishtet dhe zarzavatet. Herë pas here ata shërbejnë bulmet dhe vezë.
Dhe ndërsa mund të jetë e vështirë të ndryshoni tërësisht dietën tuaj, ju mund të jetoni një jetë të gjatë dhe të shëndetshme nëse përfshini disa nga këto elemente në dietën tuaj. Por sigurohuni që të ndiqni disa nga hapat e rekomanduar në Zonat Blu, duke shmangur yndyrnat shtazore. duke përdorur vajra me bazë bimore, si dhe duke u fokusuar në më shumë drithëra dhe perime.
Ekzistojnë gjithashtu disa hapa shtesë që mund të ndërmerrni nëse kërkoni të filloni një mënyrë jetese më të shëndetshme, të cilat përfshijnë reduktimin e marrjes së alkoolit, zëvendësimin e sheqernave me alternativa ëmbëlsirash dietike si dhe të siguroheni që të qëndroni aktiv gjatë gjithë ditës.
