Diva e muzikës shqiptare, Dafina Zeqiri, është sot vajza e ditëlindjes dhe gjejeni pak sa vjeç mbush?
Sot, Dafi është 33 vjeç dhe duket më e re se kurrë, ashtu siç i ka thënë edhe partneri i saj Dj Geek në urimin e ditëlindjes. Në fakt, ky urim është gjithçka që donim të lexonim sot!
Dj Geek ka ndarë në llogarinë e tij në Instagram dy foto me partneren e zemrës, teksa i shkruan fjalët që na i shkrinë zemrat.
“I uroj ditëlindjen vajzës më të mirë në botë! Ti je gruaja më e mirë, më e kujdesshme dhe mbështetëse që një mashkull mund të kërkojë dhe unë jam shumë me fat që të kam në jetën time. Të dua shumë! Dukesh më e re se kurrë!”- shkruan ai.
View this post on Instagram
Një detaj që është vënë re së fundmi ka shtuar dyshimet se dyshja e famshme është gati për të hedhur hapin e madh në lidhjen e tyre.
Dafina ka postuar një fotografi ku shihet bashkë me DJ Geek ndërsa ka shkruar: “I dashur bashkëshorti im i ardhshëm, je më i miri. Të dua”.
Kjo ka bërë që fansat të mendojnë se ata janë në prag të martesës.
Dafina Zeqiri prej vitesh po shijon një lidhje dashurie me DJ Geek, i cili po ashtu është pjesë e grupit Moneyz. Dyshja e konfirmoi romancën e tyre në fillim të 2020-ës.
Për muaj me radhë ata u vendosën në qendër të vëmendjes, për lidhjen e papritur të dashurisë dhe ndarjen po aq të shpejtë të tyre.
Vetëm disa muaj nga lidhja e tyre, Dafina deklaroi se kishin vendosur të ndahen.
Ndonëse të ndarë ata vijuan të shoqërohen me njëri-tjetrin dhe të punonin si më parë duke u shfaqur kudo bashkë. Në fund të 2021, Dafina dhe Geek konfirmuan rikthimin me njëri-tjetrin dhe që atëherë janë shfaqur shumë të lumtur dhe të dashuruar.
