Emërimi i Musk do të hynte në fuqi të shtunën pasi zbuloi javën e kaluar se ai kishte blerë 9.2% të aksioneve në platformën e mediave sociale.
Megjithatë, Agrawal shkroi në Twitter: “Elon ndau po atë mëngjes se ai nuk do të bashkohet më me bordin.”
Shefi i Tesla-s mbetet aksioneri më i madh i Twitter-it dhe firma do të mbetet e hapur ndaj kontributit të tij, shtoi ai.
Pak më shumë se një orë pas njoftimit të Agrawal, Musk postoi në mënyrë kriptike një emoji të vetme në Twitter. Tweet që tanimë është fshirë.
Gjatë fundjavës, Musk sugjeroi ndryshime në shërbimin e abonimit premium Twitter Blue, duke përfshirë uljen e çmimit të tij, ndalimin e reklamave dhe dhënien e opsionit për të paguar në kriptomonedhën dogecoin.
Musk pyeti gjithashtu më shumë se 81 milionë ndjekësit e tij nëse Twitter po “vdes” dhe nëse selia e tij duhet të kthehet në një strehë për të pastrehët.
Ai gjithashtu krijoi një sondazh duke pyetur nëse shkronja “w” duhet të hiqet nga Twitter, me opsionet e vetme “po” dhe “sigurisht”.
Agrawal tha se Twitter i ofroi Musk një vend në bordin e tij pasi kompania kishte besuar se ishte “rruga më e mirë”, me anëtarët e bordit që duhet “të veprojnë në interesin më të mirë të kompanisë dhe të gjithë aksionarëve tanë”.
Duke iu drejtuar vendimit të zotit Musk, Agrawal tha: “Unë besoj se kjo është për të mirën”.
“Ne kemi dhe do të vlerësojmë gjithmonë kontributin e aksionarëve tanë, pavarësisht nëse ata janë në bordin tonë apo jo,” shtoi ai. “Elon është aksioneri ynë më i madh dhe ne do të mbetemi të hapur ndaj kontributit të tij”.
Musk është jashtëzakonisht i fuqishëm, pasuria dhe paparashikueshmëria e tij e bëjnë atë një investitor ndoshta fitimprurës, por edhe potencialisht të rrezikshëm.
Duket qartë se ai dëshiron të ndryshojë Twitter-in. Por si një aksioner kryesor pa vend në bord, ajo që ai mund të bëjë mbetet enigmë për të gjithë.
