Pasi punoi në këtë opsion për shumicën e vitit të kaluar, Twitter tani po provon një test fillestar të drejtpërdrejtë të opsionit të tij të ri ‘unmention’. Ky opsion do t’u mundësojë përdoruesve të largohen nga bisedat, nëse nuk ndihen rehat duke u përmendur në to.
Siç mund ta shihni në këtë shembull, duke përdorur opsionin “unmention” në një bisedë do të shihni se:
Së pari emri juaj i përdoruesit nuk është i etiketuar nga tweet-i dhe përgjigjet origjinale. Së dyti përdoruesit nuk do të mund t’ju përmendin përsëri brenda të njëjtit zinxhir përgjigjesh dhe nuk do të njoftoheni më për përditësimet e përgjigjeve.
Së fundmi emri juaj i përdoruesit do të shfaqet ende, në formë teksti, në tweet-et fillestare në të cilat keni qenë i përfshirë, por ju nuk do të jeni pjesë pasi nuk do të njoftoheni më kur “unmention” të jetë aktiv.
Mund të jetë një opsion i dobishëm për të shmangur grumbullimin e frikshëm të Twitter bazuar në një tweet të gabuar, ose thjesht për të bërë “mute” diskutimet që mund t’ju shkaktojnë shqetësim. Në thelb, është si opsioni “Hiq etiketimin nga fotografia”, apo “Remove tag from photo” por për bisedat, i cili do t’u japë përdoruesve aftësinë të distancohen nga çdo lidhje e drejtpërdrejtë me diskutimet e zgjedhura të Tweeter-it, duke ndihmuar në menaxhimin e përvojës së tyre brenda aplikacionit.
Twitter zbuloi fillimisht opsionin në qershor të vitit të kaluar, si pjesë e një përmbledhjeje fillestare të kontrolleve të ardhshme të tweet-eve, e cila përfshinte gjithashtu mjete për të shmangur “@mention” e padëshiruara dhe për të ndaluar këdo që t’ju përmendë në një kohë të caktuar, nëse është e nevojshme.
Përsëri, kjo mund t’i ndihmojë përdoruesit të shmangin kritikat dhe sulmet masive në aplikacion, dhe stresin mendor që mund të vijë me të. Për këtë arsye “unmention”, ose largimi i vetes nga një diskutim, është një mjet tjetër për të mbajtur mendjen tuaj të shëndoshë ndërsa angazhoheni përmes tweet-eve.
