Këngëtari por njëkohësisht edhe miku i vëllezërve Veshaj, Tiri Gjoci ka qenë i ftuar ditën e sotme në emisionin “N’Zoom” ku ka folur edhe për raportet e tij Donaldin dhe Beatrix-in.
Gjatë intervistës ai tha se çfarë ka ndodhur mes ish-çiftit të “Big Brother VIP” mbetet mes tyre dhe sipas tij, nuk i takon të përfshihet.
“Vëllezërit janë shokët e mi, miqtë e mi, ashtu si edhe Trixa. Dhe çfarë ka ndodhur mes tyre, ka ndodhur mes tyre dhe nuk më takon të përfshihem te kjo gjëja. Mund të kem bërë disa komente rreth ‘Big’-ut që njerëzit kanë gjetur shkak që të kapen me këtë gjë, por kaq domethënë”, tregoi ai.
Ai gjithashtu u pyet nëse ka në plan të ketë një bashkëpunim për ndonjë projekt muzikor me këngëtaren Beatrix Ramosajn. Tiri tha se ishte i hapur për çfarëdolloj projekti me të duke mos përjashtuar mundësinë e një bashkëpunimi edhe me vëllezërit Veshaj.
“Pse jo, nuk është se e kam menduar po do të isha i hapur për çfarëdolloj bashkëpunimi, jo vetëm me Trixën por edhe fundja edhe me vëllezërit (Veshaj). Kështu që nuk ka absolutisht asnjë lloj problemi. Në rastin e bashkëpunimit i selektojë njerëzit në bazë të materialit. Unë jam gjithmonë gati me punuar dhe për të nxjerrë diçka”, tha ai.
Kujtojmë se Tiri asnjëherë nuk e ka mohuar për të bërë një këngë me këngëtaren. Madje edhe kur ishte i ftuar në “Friendzone” ai u shpreh se do të bashkëpunonte dhe këngën do ta titullonte “S’ke faj”.
“Sigurisht që po. E kam mikeshë, kemi kaluar shumë vite bashkë sepse kemi qenë në Lice. ‘S’ka faj’ do të quhej kënga.”, tha ai.
Megjithatë, Tiri nuk sqaroi nëse këtë koment e bëri në mbështetje të Trixës duke iu referuar situatave të fundit dhe komenteve negative me të cilat është përballur që kur u lidh me Donaldin.
