Reperi Don Xhoni mbushi sot 22 vjeç dhe jo, nuk i dhuroi vetes një makinë luksoze për ditëlindje por një shtëpi!
Siç ka treguar ai vetë në Instagram, Don Xhoni ka vendosur të blejë një vilë të re në një prej zonave më në zë të Kosovës. Në InstaStory ai ka ndarë pamje teksa nënshkruan kontratën për pronën e tij të re, si dhe një foto të vetë kontratës së firmosur sot.
“Dhurata vetit për ditëlindje, vilë në pandemi.
Elhamdulilah vetëm Zotit t’madh dhe krej juve për krejt këtë dashni e suport prej ditës së parë. Vazhdojmë 2022 me super surpriza që janë tu ardhë në këtë vit.”- shkruan reperi.
Vetëm pak ditë më parë, Don Xhoni u bë sërish kryefjala e mediave pas ndarjes së tij me modelen e famshme ruse, Ariana Lirey.
gjërat s’kanë shkuar siç duhet dhe marrëdhënia e tyre është prishur. Këtë e ka bërë të ditur vetë Ariana në rrjete sociale.
“Ishte një histori e bukur. Mirupafshim.”- shkruan ajo.
Më tej, në një tjetër story shkruan:
“Përkushtimin që ta dhashë unë nuk e merr dot as nga qentë më besnikë. Tani mund të jesh krenar për veten.”- përfundon modelja,
Don Xhon gjithashtu tha për modelen që të mos vazhdojë të bëjë drama dhe të mos e luajë viktimën në “Instagram”, pasi nuk është një person i tillë.
“Unë kam shumë respekt për ty, ti ke qenë pjesë e jetës sime, ishte një kohë që nuk harrohet kurrë, por çdo gjë ka një fund! Shpresoj të jesh e lumtur në jetën tënde dhe Allahu të bekoftë zemrën! E di qe nuk je njeri i keq, ndaj mos vepro kështu!
Ps mos bëj dramë dhe mos luaj viktimën në Instagram. Ka mbaruar, kaloje atë si gjë!
Boluchka“, shkruante reperi.
Ata tani kanë hequr njëri-tjetrin nga Instagrami, madje Ariana tha se i kishte bërë bllok.
