Gati katër milionë njerëz janë larguar nga Ukraina që nga fillimi i pushtimit rus, ndërsa të larguarit janë kryesisht gra dhe fëmijë.
Sipas ligjit ushtarak në Ukrainë, meshkujt e moshave 18 deri në 60 vjeç janë të ndaluar të largohen nga vendi, pasi duhet të qëndrojnë për të luftuar.
Të çorientuar dhe shpesh pa plane për të ardhmen, njerëzit që ikin nga lufta detyrohen t’i besojnë të huajve.
Siç është denoncuar nga organizata të ndryshme humanitare, përfshirë UNICEF-in dhe së fundmi është përsëritur edhe nga Sekretari i Përgjithshëm i OKB-së, António Guterres, refugjatët ukrainas rrezikojnë të bien viktimë e trafikimit të qenieve njerëzore.
“Për trafikantët dhe abuzuesit seksualë, lufta në Ukrainë nuk është një fatkeqësi, por një ‘mundësi’. Objektivi i tyre janë gratë dhe fëmijët.”- thotë ai.
Me këtë i referohemi rekrutimit, transportit, transferimit ose pritjes së njerëzve duke përdorur kërcënim, forcë ose forma të tjera të detyrimit. Një fenomen që për fat të keq është i zakonshëm në emergjencat humanitare. Qëllimi mund të jetë trafikimi i dhe shpesh detyrimi i njerëzve për të punuar në kushtet e skllavërisë.
Krimi i organizuar nuk është kërcënimi i vetëm: shfrytëzimi mund të gjenerohet edhe nga individë. Jo të gjithë evropianët që kanë qenë mikpritës të refugjatëve në shtëpitë e tyre kanë pasur qëllime të mira.
Për këtë arsye, grupi i ekspertëve të Këshillit të Evropës për luftën kundër trafikimit të qenieve njerëzore ka ngritur alarmin, duke theksuar se rreziku i trafikimit është tashmë shumë i lartë.
Ekspertët kanë thirrur angazhimin e të gjitha vendeve evropiane për të garantuar sigurinë dhe lirinë e refugjatëve ukrainas.
