Virusi Covid-19 dhe rrezikimi i jetës së qytetarëve duket se nuk është arsye për ndalimin e tubimeve në Shqipëri.
Madje, si shembuj që ndiqen, zyrtarët e vendit tonë i mbështesin këto grumbullime nëpërmjet postimeve të tyre në rrjete sociale dhe gjithashtu duke qenë vetë prezentë.
Gjatë gjithë kësaj kohe, zyrtarët organizuan/ morën pjesë/ promovuan evente që lejonin grumbullimin e njerëzve, kur jetët tona rrezikoheshin nga Covid-19.
Masat e vendosura nga Komiteti Teknik i Ekspertëve ishin “për sy e faqe” dhe nuk u zbatuan asnjëherë, ashtu si dhe gjobat e ashpra që nuk iu vendosën kurrë organizatorëve.
View this post on Instagram
Pasi qeveritarët “hodhën” valle për muaj me radhë, Komiteti u kujtua të heqë masat për të cilat nuk kërkoi kurrë përgjegjësi, duke treguar edhe njëherë se asgjë nuk funksionon siç duhet në Shqipëri.
Mira Rakacolli tha dje se është hequr grumbullimi i 50 persona, masë që në fakt u shke çdo herë.
Iconstyle.al ka denoncuar prej kohësh shkeljet e zyrtarëve për masën e grumbullimeve, gjoba e të cilës duhet të ishte 5,000,000 (pesë milion).
Më poshtë po ju sjellim në vëmendje të gjitha shkeljet me radhë, duke nisur nga ngjarjet e fundit:
Kryetari i Bashkisë së Elbasanit organizoi një festë të madhe ditëlindjeje, ku ishin të pranishëm më shumë se 100 persona të ftuar. Festa u organizua një ditë para vendimit të Komitetit për heqjen e kufizimit të grumbullimit.
Me rastin e Ditës së Verës u mbajt një koncert gjigant ku morën pjesë pafund qytetarë, pa zbatuar asnjë rregull distancimi social. Koncerti u promovua nga Bashkia Tiranë dhe vetë kryetari i saj, Erion Veliaj.
View this post on Instagram
Më 20 dhjetor 2021 u mbajt protesta e Sali Berishës, i cili mblodhi në Tiranë mbështetësit e tij që nuk zbatuan as edhe një rregull anti-Covid. (kur ndërkohë nuk lejohet grumbullimi i më shumë se 50 personave).
Pa maska, pa distancim social, një pjesë të pavaksinuar ose pa kryer teste për të ditur gjendjen e tyre, ata qëndruan pranë njëri-tjetrit duke thërritur me të madhe për Berishën e duke ia transmetuar kështu fare lehtë virusin njëri-tjetrit.
Mbledhja e Kuvendit të tij më 11 dhjetor me 4935 delegatë ishte po ashtu thyerje e çdo rregulli.
Po ashtu ishte edhe mbledhja e Kuvendit të Lulzim Bashës me 5004 delegatë, më 18 dhjetor.
Kryebashkiaku Erion Veliaj theu për të disatën herë rregullat e distancimit social, kur pjesëmarrja duhet të ishte me kapacitet të reduktuar deri në 30% për shkak të virusit. Ai mblodhi fëmijë e të rritur më datën 4 dhjetor, për të ndezur dritat e pemës në kryeqytet.
Pamjet flasin vetë:
View this post on Instagram
Po ashtu, Veliaj promovoi eventin e “Natës së Bardhë” në Tiranë, që u mbajt më 30 nëntor.
“Penda 2021” u zhvillua në gjashtë vende të ndryshme brenda Tiranës, duke mbledhur njerëz jashtë kapacitetit të lejuar për tubimet, siç mund ta shihni edhe vetë në pamjet e mëposhtme:
Televizioni “Top Channel”, me rastin e 20-vjetorit të tij organizoi një festë gjigante në një prej club-eve të Tiranës duke mbledhur njerëz jashtë çdo kapaciteti të lejuar.
Siç u dallua qartë nga pamjet, personazhet e njohur dhe punonjësit e televizionit festuan shumë pranë njëri-tjetrit pa zbatuar asnjë rregull, teksa asnjë nuk u gjobit për këtë shkelje.
View this post on Instagram
View this post on Instagram
Në muajin shtator, Ministri Blendi Klosi promovonte festivalin në Borsh, i cili po ashtu mblodhi një numër të lartë njerëzish pavarësisht masave anti-Covid.
““South Outdoor Festival, kthen Borshin në skenën gjigande të festës✅. Për tre ditë rradhazi, aktivitete në natyrë? e në ujë, për të gjitha grupmoshat, ku çdo i apasionuar pas sporteve pati mundësinë të gjejë argëtimin dhe rekreacionin. South Outdoor, një festival turistik, që ngjiti në skenë këngëtarë shqiptarë që dinë të mbajnë peshë të rinjtë e jo vetëm, sikur riktheu në Shqipëri për nostalgjinë e të gjithëve një grup aq të dashur si NANA. Giz Albania?, një partner i pazëvendësueshëm që përpos të tjerave, kontribuon edhe në krijimin e konsolidimin e produkteve turistike si festivalet, duke e shndërruar South OutDoor në një markë të qëndrueshme turistike! ?GIZ #SRD #smilealbania???”, ka shkruar Blendi krahas pamjeve të publikuara edhe në llogarinë e tij.
Në gusht, kompania Vodafone ndër shkelje të tjera, shkelte sërish rregullat me një festival të organizuar në Sarandë ku po ashtu askush nuk u kujdes të zbatonte rregullat.
View this post on Instagram
Po ashtu përmendim këtu edhe Kryetarin e Bashkisë së Beratit, Ervin Demon, i cili ka lejuar dhe promovuar çdo natë në Berat evente ku numri i personave të mbledhur i thyen rregullat.
Kur do t’i vendosë shteti në funksion organet e tij?
/Iconstyle.al
