Sot, në Ditën Botërore të Autizmit u mbajt në Presidencën e Shqipërisë një ekspozitë me 60 piktura nga fëmijë të talentuar.
Gjatë eventit, u sollën në vëmendje problematika si mungesa e shërbimeve gjithëpërfshirëse, qendrave të trajnimeve për fëmijët autik, mosnjohja e kujdestarisë së prindër vetë tyre në librezën e punës etj.
Kitara, pasioni është muzika, pasioni është talenti dhe arti. Në fakt jam shumë i lumtur dhe i emocionuar që ndodhem në presidencë për herë të parë.”- tha Nikolasi, 22 vjeçari i talentuar.
Presidenti Ilir Meta kërkoi që për këtë target grup të shoqërisë nuk duhet të mungojë asnjëherë mbështetja finaciare, mbi të gjitha tek gjithëpërfshirja në arsim.
“Që fëmija të jetë në gjendje të ketë aftësitë e nevojshme për të përballuar jetën dhe për t’u integruar me sukses.”-tha Meta.
“Kanë ngelur në fokus shumë të ulët dhe për të thënë që po shkojnë drejt varfërisë. Kërkojmë që pediatrit të jenë të trajnuar në mënyrë që vetë fëmijët të diagnostifikohen më shpejt dhe prindërit t’i pranojnë. Një problematikë shumë të madhe ne kemi që në moshën 15 vjeçare këto fëmijë janë jashtë fokusit sepse nuk ofrohet më asgjë, nuk ofrohet asnjë terapi. Kujdestaria të njihet si profesion pune i rregulluar.”- u shpreh Eglanitina Bajrami, drejtoresha e programit ÇSA dhe PAK.
