Pasi luajti në mbi 50 filma dhe pothuajse 20 shfaqje televizive, Jim Carrey duket se është gati të tërhiqet nga karriera e tij legjendare e aktrimit pas 40 vitesh
Komediani 60-vjeçar – teksa promovonte filmin e tij të ardhshëm “Sonic the Hedgehog 2” – u shpreh se ndihet sikur “ka bërë mjaftueshëm” në jetën e tij profesionale.
“Unë po tërhiqem,” tha ai gjatë episodit për “Açess Daily”.
Kur u pyet nëse po bënte shaka, ai u përgjigj:
“Po tërhiqem nga aktrimi. E kam seriozisht, por varet… Ndoshta engjëjt më sjellin ndonjë skenar të “artë”, për një film të jashtëzakonshëm për publikun, dhe unë vazhdoj karrierën”.
Për Jim-in, një hap prapa nga aktrimi i jep atij kohë për të shijuar një jetë shumë më të thjeshtë.
“Më pëlqen shumë jeta ime e qetë,” tha ai. “Dhe më pëlqen shumë të pikturojë, dhe me të vërtetë e dua jetën time shpirtërore, dhe ndihem sikur—dhe kjo është diçka që mund të mos e dëgjoni kurrë nga një personazh tjetër i famshëm—kam mjaftueshëm. Kam bërë mjaft. Jam mjaftueshëm”.
Aktori ka qenë kohët e fundit në krye të mediave për komentet e tij për incidentin të Will Smith dhe Chris Rock në Oscars. Smith e goditi Rockun në Academy Awards javën e kaluar pasi ai bëri një shaka në kurriz të gruas së tij, Jada Pinkett Smith.
Jim tha se do ta kishte paditur aktorin nëse do t’i kishte ndodhur kjo situatë ndërsa e shtoi se “Hollywood-i është pa shtyllë kurrizore”.
