Kur debutoi për herë të parë në tregun muzikor shqiptar, askush nuk e dinte se do të shndërrohej në një nga këngëtarët më të preferuar në mbarë Shqipërinë dhe Kosovën.
Trim Ademi i njohur si Capital-T kreu shkollën e mesme pranë Gjimnazit “Sami Frashëri“ në Prishtinë. Dashuria për muzikën i lindi si duket me ndihmën e dajës së tij i cili është Besniku, anëtari i grupit 2po2 me të cilin edhe e ka pasur bashkëpunimin e tij të parë si këngëtar profesionist.
Kënga “Shopping“ ishte kënga me të cilën Trimi debutoi si këngëtar në skenën e muzikës shqiptare, me të cilën mori pjesë në “Video Festin Muzikor 2009“. Një vit më vonë në “VFM 10“ Capital-T e solli këngën hit “Shumë Nalt“, një bashkëpunim me Dafina Zeqiri dhe 2po2. Hiti i tij shumë i famshëm “Supersweet“ për të cilin kishte realizuar edhe një klip mjaft ekzotik e solli Trimin duke kënduar në “Zhurma Show 2009“. Gjatë edicionit të “Zhurma Show“ të vitit 2010 Capital-T erdhi me hitin e tij tjetër “Ma e mira“. Në fund të vitit 2010 Capital-T u paraqit në festivalin “Kënga Magjike“ në bashkëpunim me Eni Koçi me këngën “Diva“ me të cilën arritën në gjysmë finale pas votimit që të gjithë artistët duhej t’i bënin njëri tjetrit.
Capital T është i njohur për bashkëpunime të shumta dhe për këngë dhe klipe tej mase të suksesshme. Capital-T nuk u ndal me krijimtarinë e tij kështu në vitin 2011 solli dy këngë mjaft të dëgjuara me të cilat u prezantua në festivalin “Netët e Klipit Shqiptar“. “U bo vonë“ dhe “Ku jon paret“ I dhanë atij edhe një sukses tjetër të radhës. Histori dashurie të thurura shumë bukur dhe që arritën vëmendje ishin edhe këngët “Veç asaj“ dhe “Karma“ me të cilat gjithashtu u paraqit në dy festivale, “Video Festi Muzikor 2012“ dhe “Zhurma Show 2012“. Gjatë vitit 2012 nxori në shitje edhe albumin e tij të titulluar “Kapo“ në të cilin ishin përfshirë gjithsej 15 këngë.
Një djalosh i ri, i pashëm dhe shumë i suksesshëm me siguri se ka vjedhur zemrat e shumë femrave, por kush mund të jetë pronare e zemrës së tij?! Capital T ka deklaruar se është ka pasur edhe “one night stand” apo ka kryer marrëdhënie seksuale në avion, por kurrë nuk ka dhënë një emër.
Gjatë kohës që ai po jetonte në Shtetet e Bashkuara përflitej që ai kishte një vajzë atje që e donte shumë dhe për shkak të një statusi të tij në rrjetet sociale me mbishkrimin: “Jetoj met dasht ty“, ishte spekuluar mjaft shumë që Trimi mund të jetë dashuruar.
Por reperi kosovar nuk ka dashur të fliste për këtë gjithmonë duke aluduar në faktin se është jeta e tij private. Megjithëse ka qenë shumë aktiv në skenën muzikore me këngë solo e bashkëpunime të shoqëruara edhe me videoklipe, Capital T prej kohësh është duke qëndruar larg intervistave.
Për “Express Summer” të KTV-së, ai ka treguar se këtë e ka bërë për një arsye të fortë, e cila ka të bëjë me një dokumentar, në të cilin po punon.
“Gjithçka vjen nga brenda meje; ndjek instinktet, dëshirat, ambiciet dhe qëllimet e mia”, thotë reperi, por kur vjen fjala për konkurrencë ai thotë se nuk mendon fare për ta. Sa i përket marrëdhënieve me dajën e tij, 2po2, Trimi thotë se nuk e sheh si konkurrent dhe se ka një raport shumë special me të.
Ai ka lansuar edhe këngën tjetër ”Pare pare”, e cila pati sukses mjaft të madh edhe kënga ”Hitman” ishte shume e suksesshme dhe e pëlqyer për publikun po ashtu lansoi edhe bashkëpunimin me anëtarin e grupit te tij Granit Dergutin ”Thirrem n’telefon’. Ai sapo ka lansuar edhe bashkëpunimin tjetër me këngëtaren e njohur Dhurata Dora ”Bongo”. Edhe ky bashkëpunim ishte shumë i suksesshëm dhe i mirëpritur nga publiku.
Burimi: ICONstyle
*Shfleto galerinë
