Era Istrefi është këngëtarja e njohur shqiptare, zëri dhe stili i sëcilës është vlerësuar ndërkombtarisht.
Teksa prej kohësh nuk ka publikuar këngë të reja, artistja ka zbuluar se do të vijë më në fund me një projekt të ri ditën e sotme, të quajtur “BEBE”.
Ndërkohë, menaxheri i saj i ri, pas prishjes së kontratës me shtëpinë diskografike me të cilën Era kishte lidhur kontratë, ka treguar detaje mbi këngën e re.
Ai ka zbuluar në ‘Top Channel’ pamje nga videoklipi dhe njofton që kënga do të jetë në shqip dhe do të quhet ‘Bebe’.
Ndër të tjera ai tha se shumë artistë shqiptarë mund të depërtojnë në tregun botëror por problemi qëndron tek menaxherët e tyre.
Hajriz Bajrami: Unë nuk dëgjoj vetëm këngë të huaja dëgjoj edhe shqiptare dhe shumë artistë kanë potencial mjaft të madh që mund të çajnë tregjet botërore por e gjitha ngelet tek kualiteti i menaxherit.
Pse duhej të prisnim kaq gjatë rikthimin e Erës?
Hajriz Bajrami: Rikthimi është me këngë shqip. Që në fillim të karrierës doja ta kisha Erën në menaxhim dhe shpresoj të kemi sukses. Kënga quhet ‘Bebe. Me Erën gjithmonë është interesante dhe mirë që të punosh. Era më ngre nervat se është shumë detajiste por kjo më pëlqen sepse më bën që të punoj më shumë. Unë e menaxhoj Erën prej 6 muajsh.
