Aktori i njohur Ezra Miller, i cili do të luaj në filmin e ardhshëm “The Flash”, u arrestua në Hawaii, të hënën në mëngjes.
Sipas policisë, aktori u akuzua nga një klient për sjellje të parregullt dhe ngacmim. Mesa duket, Miller u irritua nga disa njerëz që po këndonin karaoke në lokalin ku ai ndodhej.
Në deklaratën e policisë thuhej se aktori “rrëmbeu mikrofonin nga një grua 23-vjeçare që këndonte karaoke dhe më vonë u hodh drejt një burri 32-vjeçar që luante me shigjeta”.
Sipas oficerëve, pronari i lokalit i kërkoi Millerit të qetësohej disa herë, por pa sukses.
3-28-22 Vermont Visitor Arrested for Disorderly Conduct and Harassment in Hilo https://t.co/12RMQ3eckH
— Hawaii Police Department (Official Site) (@Hawaii_Police) March 29, 2022
Miller, i cili do të luaj gjithashtu edhe në filmin e ardhshëm “Fantastic Beasts: The Secrets of Dumbledore”, pagoi 500 dollarë për tu lituar nga paraburgimi.
Kujtojmë se aktori ka qenë problematik edhe njëherë tjetër. Në vitin 2020 qarkulloi një video e një personi që mendohet të ketë qenë Miller, duke u përpjekur të mbys një grua në një lokal në Islandë. Asnjë arrestim nuk u bë, por burimet të cilët ndodheshin afër ngjarjes thanë se aktori u largua jashtë ambienteve nga stafi.
Miller u shfaq së fundmi gjatë transmetimit të “Academy Awards”. “Zack Snyder’s Justice League” fitoi kategorinë “Oscar cheer moment” e cila u përcaktua nga votat e fansave përmes internetit.
