Fronisti i “Love Story”, Xhoni, ka vendosur ditën e sotme të lërë programin dhe të vazhdojë njohjen jashtë me Rominën.
Pasi u përshëndet me Sellmën, vajzën të cilën ai pati dy takime romantike, priti Rominën të zbriste shkallët, si në natën e parë kur ajo u prezantua në “Love Story”, me fustanin blu.
Gjatë takimit Xhoni u shpreh se siç e ka bërë Romina për vete nuk e ka bërë askush tjetër.
“Siç më ke bërë ti për vete nuk më ka bërë asnjë njeri tjetër. Je aq e ëmbël, kur të shoh më zbuti mua. Unë kur jam me ty më vjen për të qesh. Unë jam njeri i qeshur në jetën time”, tha Xhoni.
Gjithashtu përpara se të deklaroheshe për Rominën ai tha:
“Xhoni zbriti nga ajri në tokë. Unë e di që nuk do ta kemi të lehtë, edhe për faktin që jetojmë larg njëri-tjetrit ti Shqipëri ndërsa unë në Gjermani, por do e përballojmë. Unë e besoj. Unë gjithmonë kur kam qenë me ty e kam pasur atë mes meje mes teje, me sy, me zemër, me kokë, me trup, në çdo vend ku kam mundësi.”
Por edhe Romina nga ana tjetër, tha se ndihet po njëlloj e emocionuar dhe shumë e lumtur që të dy ia kanë dalë të triumfojnë edhe ndaj të gjithë atyre që nuk besonin tek dashuria e tyre me shikim të parë.
