Autori i dhjetra hiteve në muzikën shqiptare, Agim Doçi, ka qenë i ftuar special në emisionin #Expuls nga Ronaldo Sharka në ekranin e RTV Ora, ku ka folur për ‘përplasjen’ që ka pasur me këngëtaren, Ronela Hajati.
Kohë më parë, Agim Doci shkruajti një këngë për Luan Zhegun, e cila më vonë do të ripërpunohej nga Ronela me titullin “Alo Alo”.
Pas publikimit të këngës në “YouTube”, Ronela vendosi emrin e Luan Zhegu dhe jo të Doçit.
ky i fundit reagoi në media për pakënaqësinë e tij dhe kjo gjë solli që Ronela të reagonte menjëherë duke zëvendësuar emrin e Luan Zhegut me atë të autorit, Agim Doçi.
Sot gjatë intervistës ai tha që nuk ka asgjë me Ronela Hajatin dhe madje i uron shumë sukses me këngën e saj për në “Eurovizion”.
Kur u pyet nga Ronaldo Sharka për këngën “Sekret” ai tha që nuk e ka pasur asnjëher problem që Ronela të fitonte.
“Asnjëherë nuk kam pasur problem. Madje për fatin e mirë të jurisë, ishim unanimisht ta merrte Ronela Hajati sepse është një vajzë me një adrenalinë të veçantë që sfidon edhe skeptikët.”- u shpreh ai.
Për njerëzit në rrjet që mendojnë se ai është kundër këngës së Ronelës, Agim Doçi tha se do ta kenë ngatërruar me ndonjë tjetër Agim.
Gjithsesi, gjërat duket se po shkojnë shumë mirë mes tij dhe këngëtares.
