Këngëtarja e njohur, Britney Spears diskutoi ditën e enjte me anë të një postimi në “Instagram” (nuk është më publik) për kirurgjinë plastike, humbjen e peshës dhe tendencat e bukurisë në Hollywood.
Britney, 40 vjeç, u shpreh se pas rënies në peshë, ajo kishte menduar të bënte një zmadhim të gjoksit.
“Është çmenduri të jetosh në Los Angeles … po mendoja të bëja një ndryshim në gjoks … gjoksi im është mjaft i vogël. Dua të them, me sytjenat e duhura është mirë, por isha kurioze çfarë do të thoshte një doktor!!! Kam humbur 7 kilogramë në 6 muajt e fundit dhe kjo është shumë për mua !!! Ata u tkurrën!!! Nuk e di se ku shkuan gjokset e mia,”- tha Britney.
Rikujtojmë se Britney Spears thuhet se është duke punuar për muzikë të re.
Sipas “The Sun”, këngëtarja po merr kohën e saj dhe nuk po i bën presion vetes për të nxjerrë albumin menjëherë.
“Disa njerëz me të cilët ajo ndihet rehat duke punuar, janë kontaktuar dhe pyetur nëse do të dëshironin të punonin sërish me Britney-n dhe të gjithë duken shumë të etur për t’u përfshirë. Ajo ka kaluar disa vite tepër të vështira, por thellë brenda saj i pëlqen të bëjë muzikë dhe të performojë, kështu që krijimi i një projekti të ri mund ta ndihmojë atë të hap një tjetër kapitull në jetën e saj.” – tha një burim për median.
