Mesa duket jo vetëm fansat janë adhurues të lidhjes së Pete Davidson dhe Kim Kardashian.
Mamaja e Pete, ka shprehur gëzimin e plotë që djali i saj të ketë një fëmijë me yllin e “Keeping Up With The Kardashians”.
Një komentuese në “Instagram” etiketoi mamanë e komedianit në një foto të Pete dhe Kardashian, dhe shkruante:
“Ajo do të jetë shtatzënë me fëmijën e tij deri në fund të vitit. ❤️ @amyymarie118”
Nëna e aktorit të humorit iu përgjigj komentit me entuziazëm, duke shkruajtur:
“yayyyy!“
Fansja, @ariana826, më pas u përgjigj me disa emoji me zemra.
Rikujtojmë se Kim Kardashian dhe i dashuri i saj, Pete Davidson u panë duke mbërritur në Los Angeles pasditen e së martës (22 mars) pas një udhëtimi në New York.
Megjithatë, gjatë fluturimit të saj me aktorin e “Saturday Night Live”, themeluesja e “KKW Beauty” u pa me veshje të thjesht, pantallona të zi dhe të gjera, një kapuç të zi dhe xhaketë të madhe, teksa flokët i la në bisht dhe duke e kompletuar pamjen me një palë syza me nuanca të zeza.
Nga ana tjetër, Davidson ishte veshur me rroba sportive me ngjyrë të zezë dhe gri.
Ylli i komedisë u pa gjithashtu duke mbajtur një çantë të gjelbër në krah, teksa ai dhe Kardashian dilnin nga avioni.
