Këngëtari i njohur Justin Bieber, ka vendosur të largohet nga dramat.
Në qershor të 2020-ës Justin paditi dy vajza për 20 milion dollarë – 10 milion secila – pasi ato e akuzuan këngëtarin në “Twitter” për sulm seksual në 2014-ën dhe 2015-ën.
Gjithsesi së fundmi ai vendosi zyrtarisht të hedh poshtë këtë padi pasi tani ai ndihet në paqe me të vërtetën e tij dhe do të vazhdojë jetën normalisht.
Këngëtari mohoi me forcë pretendimet e vajzave, duke deklaruar në dokumentet e gjykatës në atë kohë se ai kishte “prova të padiskutueshme” që vërtetonin se akuzat ishin “gënjeshtra dhe të fabrikuara“.
Themeluesi i “Drew House” gjithashtu pretendoi në padinë e tij se ai besonte se dy akuzueset po punonin së bashku për të dëmtuar reputacionin e tij ose se ato mund të ishin potencialisht i njëjti person që operon llogari të shumta në “Twitter”.
Njëra nga vajzat pretendoi se Bieber e kishte sulmuar seksualisht atë ndërsa ishte në Austin, Teksas, për festivalin “South by Southwest” në mars 2014.
Incidenti i supozuar ndodhi në një dhomë të “Four Seasons”, por Bieber pretendoi se ai nuk qëndroi kurrë në hotel dhe në fakt kishte një pronë me qira aty pranë me të dashurën e atëhershme Selena Gomez.
Akuzuesja e dytë pretendoi se Bieber e sulmoi atë në New York në mars 2015, kur ai ishte në qytet për “Met Gala”.
Padia e artistit pretendonte se akuzuesja e dytë ishte një fanse e marrosur e cila priste jashtë hoteleve të tij dhe se ajo pranoi në “Twitter” se nuk e kishte takuar kurrë atë në datën e sulmit të supozuar.
