Këngëtarja dhe ish-banorja e “Big Brother VIP” Xheisara Frisku ka zbuluar së fundmi një detaj mbi këngën e re të Beatrix Ramosajt që pritet të dalë së shpejti.
“Ata që bënë këngë për ndarje, u ndanë prandaj po bëjnë këngë për të. Unë nuk e kam të prekshme këtë gjë, jam shumë e lumtur. Bëri Semi, Donaldi, do bëjnë dhe të tjerë. Edhe Trixa do bëjë për ndarje.”- ka thënë ajo duke na konfirmuar të gjitha dyshimet për këngën e Trixës.
Rikujtojmë se këngëtarja ka ndarë me ndjekësit e saj disa fragmente të tekstit të këngës në mbishkrimet e fotove që ajo ka postuar herë pas here në “Instagram”.
Përmendim kështu ‘caption’-in “Unë meritoj më shumë”, të cilat u pasuan nga komentet e Dafina Zeqirit dhe Dj Geek që vazhduan tekstin e këngës. “Se ti, ti, ti,…”, shkruoi Dj Geek ndërsa Beatrix iu përgjigj: “Më shumë se ti, ti, ti.” Nga ana tjetër Dafina shkroi një tjetër frazë: “Se zemra gabon por dikur e gjej dikë që…” Ndërkohë Beatrix replikoi: ”Ndoshta mua më do më shumë se ti…”
Ish-banorja publikoi këngën “Faj” disa ditë pas daljes së saj nga formati, këngë e cila i dedikohej situatës së saj me Donald Veshajn të krijuar në shtëpinë e “Big Brother’.
