Aktori i humorit Florjan Binaj është përfolur shumë së fundmi për shkak të aktivizmit të tij dhe marrjen pjesë në protestat kombëtare mbi rritjen e çmimit të naftës në Shqipëri.
Ndërkohë, së fundmi janë përhapur disa lajme dhe kanë qarkulluar disa thashetheme në rrjet se ai ka lënë spektaklin e humorit “Portokalli”, për të marrë postin e kryetarit të partisë.
Mirëpo, këto aludime janë hedhur poshtë pak orë më parë nga vetë aktori, i cili, i kontaktuar nga “Iconstyle.al” ,i mohoi të gjitha fjalët se do të bëhej kryetar partie.
Ai ka postuar gjithashtu një ‘story’ në llogarinë e tij të “Instagram” ku i është drejtuar të gjithëve ta kontakojnë personalisht, para se “të besojnë lajmet e portaleve”.
“Shoh lloj lloj port’halesh që shkruajnë që e kam lënë Portokallinë për t’u bërë kryetar partie…
Të dadhur miq dhe mikesha,
e para, flini të qetë se po të ishte e vërtetë, do jua thoja vetë, s’kam pasur kurrë frikë të them atë që mendoj!
E dyta, arsyeja përse këto port’hale bëjnë tituj të tillë, është që ju të hyni brenda dhe mes rreshtave që lexoni, të shikoni reklamat të cilat sponsorizojnë këto port’hale!
(Punë klikimesh)
E treta, nëse doni të dini të vërtetën mbi mua, merreni vesh lajmin nga Instagrami im, aty ku buron, jo aty ku kundërrmon!
Faleminderit!”- shkruan ai.
