Ndonëse Shailene Woodley dhe Aaron Rodgers anuluan fejesën e tyre në fillim të këtij viti, ata janë parë teksa kalonin kohë së bashku – duke i lënë fansat të spekulojnë për statusin e tyre.
Një burim i afërt me Aaron Rodgers ka treguar për “E! Online” se ata po i bëjnë gjërat të funksionojnë mes tyre, duke shijuar momente të bukura së bashku.
“Ata kanë kaluar shumë kohë së bashku dhe janë të kënaqur me gjendjen e tyre. Ata nuk kanë pasur kohë të pushojnë pasi kanë udhëtuar kudo duke parë miqtë dhe duke vizituar qytete të ndryshme. Ata nuk qëndrojnë në një vend për shumë kohë.“- thotë burimi i brendshëm.
Dhe nëse keni nevojë për prova, ne mund t’ju themi që ata janë parë së bashku duke ngrënë mëngjes në Los Anxhelos në fund të shkurtit. Ai takim i hershëm u pasua edhe me një tjetër, ku ata u takuan në një dasmë në Santa Barbara, Kaliforni.
Por kjo nuk është e gjitha: thashethemet se ata janë pajtuar u ‘ndezën’ më tej, kur u fotografuan duke ecur krah për krah gjatë një ‘arratisjeje’ në Palm Beach, Florida.
Gjithsesi, së fundmi çifti ka arritur të gjejë kohë për njëri-tjetrin.
“Ata mund të përqendrohen në rindërtimin e marrëdhënies së tyre”- shton burimi.
