Lajmi për ndarjen e një prej çifteve më të njohur të Hollivudit, Brad Pitt dhe Angelina Jolie, ka tronditur mbarë botën. Angelina Jolie paraqiti kërkesën për divorc, pas dy vjet martese dhe 12 vjet lidhje. Aktorja citon “dallime të papajtueshme” si arsye për ndarje në kërkesën për divorc.
Lidhja e tyre funksionoi për 12 vjet, por para se Brad të njihej me Angelina-n gjatë filmit “Z. dhe Znj Smith” në vitin 2005, Brad ishte një prej beqarëve më të kërkuar të Hollivudit. Një nga marrëdhëniet e tij më të hershme ishte me ish-bashkëshorten Mike Tyson, Robin Givens nga viti 1986 deri në 1987-n. Lidhja e radhës, edhe pse e shkurtër ishte me Jill Schoelen në vitin 1989.
Dyshja qëndruan bashkë për tre muaj, por ajo ndërpreu lidhjen dhe u largua në Budapest, ku është filmuar “The Phantom Of The Opera”.
Shpejt pas kësaj Brad përfundoi në krahët e Christina Applegate në vitin 1989. Ajo ishte vetëm 18 vjeç kur u lidh me Brad dhe e mori si shoqërues në MTV Movie Awards, megjithatë lidhja nuk zgjati dhe ajo e la Brad për një burrë tjetër.
Brad u lidh me këngëtaren britanike Sinitta, në fund të viteve 1980. Kur ajo u pyet në një intervistë se si dukej Pitt i zhveshur, ajo tha: “Seksi. Ai është i bukur me trupin më të mahnitshëm. Unë e njoh prej dy vjetësh. Ai kishte mjaft humor, ishte i ri dhe shumë i ëmbël”.
Më vonë në vitin 1989, Brad nisi të takohej me Juliette Lewis. Ata kishin punuar së bashku në filmin “Shumë të rinj për të vdekur” në vitin 1990 dhe Kalifornia në 1993.
Një nga marrëdhëniet e tij të “profilit të lartë” ishte me aktoren e “Great Expectations”, Gwyneth Paltrow në vitin 1994, apo me modelen brune, Jitka Pohlodek.
Pastaj erdhi marrëdhënia e tij më të famshmen Jennifer Aniston në vitin 1999. Më pas ata u martuan në Malibu në vitin 2000.
Aniston ishte ende duke filmuar “Friends” ku Brad u shfaq si i ftuar në sezonin e tetë. Në shtator të vitit 2004 çifti përjetuan zënka teksa ai filloi xhirimet e filmit Z. dhe Znj Smith me Angelina-n. Në janar të vitit 2005 ata njoftuan publikisht ndarjen e tyre.
Burimi: Daily Mail
